عاوز اتغير

عاوز أتغيَّر مش عاوز أعيش
الدنيا وأنا صغيَّر مايهمنيش
عاوز مابقاش فى عيون الناس طفل صغيَّر
سهرت ليالى طويلة أفكر ، وأشغل بالى وأنام متحيَّر ،
إيه اللى يخلينى أتغيَّر ؟!
أبعد يمكن البعد يغيرنى ، وأرجع الاقى الشوق حيرنى ،
أشتاق لأصحابى وأحبابى اللى عشت معاهم عمرى القصيَّر ،
عاوز أتغيًَّر وأشوف الدنيا على حقيقتها ،
وأشوف الناس وهى بتكسر برائتها ،
وأبقى ديب له أنياب عايش فى وسط الغاب ومحدش يلعب بيا ،
عاوز أتغيَّر ومابقاش عبيط ،
أبقى مصحصح واعى مدردح ذكى وحويط ،
زهقت أقعد أتفرج على الناس ،
وأفضَل أهرج ماعنديش إحساس ،
عاوز يبقالى دور ،
وأنط وأعدى السور ،
أمد إيدى للنور ،
اللى بشعاعه ممكن أتغيَّر ،
عاوز أَّلف الدنيا وأرُوح ،
وأدوس بإيدى على الجروح ،
وأتخلص من الطيبة الزايدة ،
وأعمل على القسوة مزايدة ،
يمكن هى اللى تيجى بفايدة ،
وأقدر بسببها أتغيَّر ...........................

مصطفى محمد رمضان
(الثلاثاء : 26/6/2007 )