أنت صحيت من النوم الصبح
كده انت شاحن جسمك و البطارية الصبح بقوة عشان تكمل بقية النوم
طيب فطرت و اكلت تمام
كده أنت شحنت الجسد يعنى شحنت جسمك
احنا عارفين ان الانسان جسد و روح
انت غذيت جسمك
يبقى فاضل ايه؟؟؟!!
هتقول روحك.. صح كده
هتغذيها ازاى
هتشحنها ازاى
اشحنها من بداية اليوم خالص من اول صلاة الفجر
قوم من النوم صلّى صلاة ...الفجر دى خير من الدنيا و ما فيها كما قال رسول الله صلى الله عليه و سلم
و ركعتين الصبح
هتروح الصبح فين؟؟
طبعا اذا كان فيه شغل ولا دراسة او اى عمل لكسب الرزق
هتفضل شغال بطاقة صلاة الصبح و مع طبعا ضغط الشغل و الحياة اكييد احنا بيحصلنا كده
بتتنرفذ
بتبقى مرهق
بتتعب
تيجى البطارية هتفضى!!!
لا لا استنى مش سامع ولا ايه؟؟
ده آذان صلاة الظهر روح بسرعة اتوضى و صلى
متقولش انا مش فاضى
متقولش كمان شوية
متقولش انا مضايق
دى الصلاة هى اللى هتخليك احسن
تعرف ان السجود لله عن اثباتات علمية بتنزل الشحنات الكهربية الزيادة اللى فى الجسم؟!
يبقى روح صلى لربنا اكييد ربنا أولى
و قوللا حسيت بايه؟؟
شحنت روحك ايمانيا و معنويا و قلبيا و اشتغل زى ما انت عايش
نرجع تانى للتعب و الملل و .. و ... ستوووووب
اهو آذان العصر بيأذن
قوم صلّى و اشحن طاقتك الروحية
ابتدى الليل يليل و عايز تنام و تعبان و راجع مرهق
لا لا متنساش دى صلاة المغرب
طب أذن بعده العشا هتقول ءأجله شوية
لا اوعى تنسى رسولك الكريم بيقول ايه
ان الفيصل بين المنافق و الغير منافق هى صلاة العشاء و الفجر
متنساش تصليها
الصلاة هى اللى هتشحن طاقتك
هتقوى صلتك بربنا
هتصلح نفسك و منها هتصلح حالك مع البشر
استغفر ربنا كتير فمن لزم الاستغفار جعل الله له من كل هم فرجا و من كل ضيق مخرجا
اذكر ربنا ديما عشان يذكرك فى ملىء السماوات السبع
اشحن طاقتك الروحية و البدنية
أشحن... طاقتك