مضطر احبك انا مضطر
لأنك ملاك وسط البشر
مضطر احبك لأن حبك زى المطر
نزل من السما الصافية على ارض الخطر
مضطر احبك واقول احبك بعدد اوراق الشجر
مضطر احبك حتى وانا بين النجوم والقمر
مضطر احبك حتى لو قلبك بحب غيرى انغمر
مش يمكن حبك ينور طريقى فى رحلة السفر
مش يمكن حبك يونس وحدتى فى ليلى السهر
مش يمكن لما ارجع وابص فى عنيكى انسى المرر
وانسى التعب والغربة وسنين النحت فى الحجر
وشريط حياتى يتعاد قدامى فى لمح البصر
واعرف ان حبى ليكى كان قضاء وقدر
