مرة اثنين ساكنين فى ناطحات سحاب لكن المصعد كان معطل فطلعوا على
رجليهم فوصلوا الى الدور 99 فقال واحد للاخر عندى خبرين الاول حلو والثانى
وحش الحلو ان احنا وصلنا الى الدور 99 والوحش ان العمارة مش بتاعتنا
____
- صعيدي عندو أرق مش قادر ينام صحبو قالو عد لغاية 500 بدأ يعد ولمن
نعس راح غسل وشة وجا يكمل للـــ 500
-----------------------------------------
- تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه
-----------------------------------------
- واحد بلدياتنا كان قائد فى الجيش و قدامه أربع صفوف عساكر ....واحد
من العساكر عطس..القائد سأل أول صف مين اللى عطس محدش رد فتح عليهم
النار قتلهم كلهم
و بعدين سأل الصف التانى مين اللى عطس محدش رد ..راح فاتح النار عليهم
....و إدور على الصف التالت قام واحد خاف و قاله انا اللى عطست ياباشا...قاله
القائد يرحمكم الله
-----------------------------------------
- سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
-----------------------------------------
- مرة واحد مسطول آل لواحد مسطول تاني يلا نسرق العمارة دي فرد التاني
:نوديها بعيد الأول علشان محدش يوشفنا وبعدين ألعوا هدومهم وحطوها وراهم
وأعدوا يزؤواوبعدين جه حرامي وسرق هدومهم فواحد بص وراه ملآش الهدوم
فأل للتاني كفاية كده إحنا بعدنا أوي
-----------------------------------------
تلاتة دخلوا الحمام خرجوا تلاتة اتنين واحد ليه ؟ عشان دخول الحمام مش زي خروجه
---------------------------------------
مريض في مستشفى الأمراض العقلية بيناقش الدكتور:
- أنت ليه مش مصدق أن أنا ابن نابليون؟
يرد مريض آخر:
طبعا لأنك مجنون ، يا دكتور ما تصدقوش دة لا ابني ولا أعرفه
-------------------------------------------
بلدياتنا فتح محل انابيب غاز .. فجّر اسطوانتين فى وسط البلد .. دعاية
-------------------------------------------
مرة واحد كان نفسه يعمل حاجة الناس تفتكره بيها
ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه
----------------------------------------------