دعوة للتفائل

عضو نشيــط

يادى الهنا ، يادى السعادة والإنبساط ..
إحنا هنا فوق السحاب راكبين بُساط ..
باصين على الدنيا من فوق قوى ..
شايفين الناس فرحانة قوى ..
بالحياة الجميلة ، والورد والنجيلة ..
وصدقت سعاد لما قالت الحياة بقى لونها بمبى ..
بقى فيها عوكل وبوحة واللمبى ..
الشباب عاطل يا حلاوة ..
والبنات مش ناقصة شقاوة ..
أسهل حاجة دلوقتى ..
إقلعى ودلعى نفسك ودلعينا ..
دا العين عليكى ولازم تسمعينا ..
أى كلام فى .... علام و أهو كله ماشى والسلام ..
وخش بقى على التقيل ..
النملة بتتحدى فيل ..
أسمع معانا أحلى الحكاوى ..
والكل مترصص على القهاوى ..
أوعى تفتكر إن مفيش شغل ! ..
دا وقت فراغ عند الكل ..
أهو قاعدين وبنتسلى ، نشرب بانجو ونشم كلا ..
وسجاير محشية حشيش ، وكمان الباقى بقشيش ..
إدرس وإتعلم وكافح ..
وطظ فيك ياللى ناجح ..
ومش معاك كوسة ..
وتعالا ياد يا فاشل ..
إتعين هنا مدير ..
دا إنت قريب فلان بيه ..
حيخلينى معاك أمير ..
ومتنساش تديله بوسة ..
وبلاش نلف وندوُر ، عندنا إنفلونزا طيور ..
والعمارات طالعة طالعة ..
مخالفات 18 دور ..
ولما تُقع العمارات ، والناس تحت الأنقاض ..
يفضلوا بالأيام والشهور ..
ويطلع البيه المسؤل ، يقول أنا مش مسؤل ..
الناس هى السبب ، دا حتى قلة أدب ..
مش بيسمعوا الكلام ، يلا اللى يغور يغور ..
وإيه كمان فكرونى ، بالمشاكل وفرحونى ..
إيه اللى بيحصل فى البلد ؟! ..
الولد يبقى بنت ، والبنت تقلب ولد ! ..
والظباط أخر نشاط عاملين فيها فتوات ..
بيعذبوا فى الناس وبيهتكوا الأعراض ..
..........................................................................
مش حختم علشان ماروحش فى داهية !!!
مصطفى محمد رمضان
(السبت : 12/1/2008 )

مشــــرف

______________________________

ياقارئ خطى لاتبكى على موتى فاليوم أنا معك وغداً في التراب فإن عشت فإني معك وإن مت فللذكرى ويا ماراً على قبري لاتعجب من أمري .. بالأمس كنت معك وغداً أنت معي .. أمـــوت و يـبـقـى كـل مـا كـتـبـتـــه ذكــرى فيـا ليت كـل من قـرأ خطـي دعا لي

دعوة للتفائل Dpcsc0

مـجلــــــس الادارة

لا تتعجب فهده هي الحياة العصرية كل شيء انقلب والانسان ضاع نسي الخير ونسي الاخلاق ونسي حتى نفسه تاه في الحضارة المزيفة لان ايمانه اصبح ضعيف ووهو يسير في اتجاه معاكس

» دعوة الوالد لا ترد قصة حقيقية مؤثرة
» أحلي دعوة فرح من عريس عصبي