حقق حلمك واحفظ القرءان كله وفى شهر واحد بس !!!ا

المشـــرف العـــام

بسم الله الرحمن الرحيم
وأنا بتصفح الانترنت وقعت عينى على اسم كتاب شدنى عنوانه جداا اسمه "دورة تغيير العقل لحفظ القرءان فى 30 يوم " اللى هو اسمه ايضا "حفظ القرءان الكريم فى شهر " فمن عليا الله وقرأته والحمد لله وبعد ما انهيته لم اكن اتخيل إن الموضوع سهل بهذه الطريقة على من يسره الله عليه فقلت لنفسى ليه ما اكنش كدة ؟وليه لأ ؟
وفيه أمثلة واقعية حققت الكلام دة وقلت اكتر حاجة هتعينى بإذن الله الصحبة الصالحة ففكرت على طول فى اخوات واخوة الفيس وقلت اعمل جروب زى كدة ونعين بعض بعد عون الله
ودار بينى وبين نفسى حديث سأقصه عليكم وهرمز لنفسى برمز "ن" وهرمز لعقلى برمز "ع" بسم الله نبدأ....ا
ن: انتى بتقولى ايه ؟ تحفظى القرءان كله فى شهر واحد بس؟ انتى مستوعبة اللى بتقوليه؟ شكلك مش عارفة بتقولى ايه
ع: ايوة فى شهر واحد بس وليه لأ طيب هسألك سوءال
ن: اتفضلى ياحبيبتى اسألى
ع: إذا واحد عطانى كتاب وفيه 1000 صفحة وقال لى الكتاب دة لو حفظتيه خلال عشر أيام ليكى مكافأة 10 مليوووون جنيه! هتقولى ايه؟
ن:طبعا هقبل العرض وهحفظ الكتاب فى المدة المحددة ويمكن قبلها كمان
ع:طيب فما بالك بقى بجنة عرضها كعرض السموات والارض وإنى أرتقى فى أعلى منازل الجنة
وربنا يمن علينا برؤية وجهه الكريم فى الغداة والعشى
وإنى أكون مع السفرة الكرام البررة
وإنى ألبس والدى تاج الوقار
ن:الله جمييييل ....ها كملى
ع: وكمان افتكرى ابيات المتنبى اللى بتقول
عَلى قَدْرِ أهْلِ العَزْم تأتي العَزائِمُ وَتأتي علَى قَدْرِ الكِرامِ المَكارمُ
وَتَعْظُمُ في عَينِ الصّغيرِ صغارُها وَتَصْغُرُ في عَين العَظيمِ العَظائِمُ
وكمان ربنا سبحانه وتعالى بيقول " وإذاعزمت فتوكل على الله " وانا توكلت على الله
وإذا حدقال لى دة صعب ودة مستحيل وكلام المثبطين دة هقول لهم "والله المستعان على ما تصفون " وكمان بإذن الله ربنا هيرزقنى بصحبة صالحة وهنعين بعض إن شاء الله
ن:طيب مين قال لك انك هتقدرى؟
ع: بإذن الله هقدر لايوجد مستحيل على الله
ومين قال لك انك مش هتقدرى
انتى عارفة ان الابحاث اثبتت ان مخ الانسان قادر على معالجة 30 بليون معلومة فى الثانية
احنا بس اللى مش عارفين قدراتنا ودايما بنقلل منها
ن: طيب خلاص بالراحة طيب قولى لى ازاى وايه هى خطتك؟
ع: بصى لو قلنا ان الصفحة تتحفظ ان شاء الله فى 12 دقيقة إذن فى الساعة نحفظ 5 صفحات بإذن الله ولو وفرنا فى اليوم 4 ساعات ونصف إذن
4.5 ×5=22.5 صفحة فى اليوم
والمصحف فيه604 صفحة إذن القرءان كله بإذن الله يحفظ فى 27 يوم نقول 30 يوم عشان الظروف
ن: استنى هنا ايه 4ساعات ونصف دى اجيبهم منين شايفانى فاضية حضرتك ؟
ع: هههههه ماشى ولنفرض ما انا بتفرج على المسلسلات وبالساعات ومن غير اى احساس بالملل هتيجى على 4ساعات ونصف عشان ربنا؟! ردى
ن:اه صح يادى الكسوف .... ماشى طيب وايه حكاية بقى احفظ الصفحة فى 12 دقيقة دى كمان شايفانى حفيظة اوى ؟
ع:ماشى مافيش مشاكل لو قلنا مثلا ان اول 3 ايام حفظتى الصفحة فى نصف ساعة وبعديها هتحفظى الصفحة فى ربع ساعة وهكذا وبالتدريج هتلاقى الحفظ سهل جداا ان شاء الله اهم حاجة بس انك توفرى 4 ساعات ونصف يوميا وماتتكاسليش
ن: طيب ايه هى الحاجات اللى تعلى همتنا؟
ع:1-ان تجعل هدفك نصب عينيك وتتذكر دائما الثواب
2-الدعاء لله ان يعلى الهمة
3-الصحبة الصالحة التى تعينك بعد عون الله
4-المثابرة والصبر على المصاعب
5-البعد عن البيئة المثبطة
6- التذكر دائما ان الله اصطفاك وارشدك ان تقرا هذا الكلام لانه يريد ان ترتقى فى منازل الجنة فتزداد غبطة وسرور وتعلو همتك
ن: خلاص اوكيه اتفقنا وربنا معانا وبإذن الله هيسخر لنا الصحبة الصالحة اللى هتعينا
وبس كدة انتهى الحديث بينى وبين نفسى والحمد لله اتفقنا فى الاخر
وبدعو الله انه يسخر لى منكم صحبة صالحة ونعين بعض كلنا وننفذ الفكرة دى
وافتكروا دايما ان المهمة دى كبيرة جدااومحتاجة إرادة قوية وعزم شباب بيحبوا ربنا بجد
وأكيد كل واحد فينا هيلاقى صعوبات وعلى فكرة على أد الصعوبات دى على أد ماهنحس بسعادة كبيييرة أوى مش هنقدر نوصفها بالكلام وبإذن الله أول الحملة ما هتبدأ هحاول إنى أدخل كل يوم وأقول انا عاملة ايه فى الحفظ وماشية ازاى وايه الحاجات اللى بدأت احس بيها انها بتتغير فى حياتى بسبب حفظى للقرءان وياريت كل واحد برده بإذن الله هيكون معانا يعمل كدة ويقول ايه المصاعب اللى واجهها واتغلب عليها ازاى
وربنا يرزقنا الاخلاص فى القول والعمل
وياريت كل واحد يضغط على
invite people to join
اللى تحت الصورة عشان ننال الاجر والثواب بإذن الله
ودة لينك الكتاب وفعلا كتاب راااائع جداا واكثر من رائع كمان هيعلمك ازاى تعلى همتك وازاى تتغلب على المصاعب اللى هتواجهك اتمنى انكم تقرأوه
حفظ القرءان الكريم فى شهر
http://www.ziddu.com/download/7699515/0036.pdf.html
واسيبكم تستمتعوا بيه
ومتأسفة جدااا على الاطالة وربنا يجزيكم كل خير ويرزقنا الاخلاص

مشــــرف

مـجلــــــس الادارة

جزاك الله كل خير

وربنا يكرمك

المشـــرف العـــام

منقول

» جزء عامه بروايه ورش في ملف واحد
» اسمع وردد واحفظ القران
» عاوزين نقرا القرءان صح
» الاعجاز في القرءان الكريم...
» اعجاز كتابة القرءان الكريم